Majhi Ladki Bahin Yojana 8th Installment Release: महाराष्ट्र सरकारने 28 फेब्रुवारीपासून माझी लाडकी बहिण योजनेअंतर्गत फेब्रुवारी महिन्याचा आठवा हफ्ता लाभार्थी महिलांच्या बँक खात्यात जमा करण्यास सुरुवात केली आहे. मिळालेल्या माहितीनुसार, 28 फेब्रुवारीपासून मार्चच्या पहिल्या आठवड्यात संपूर्ण हफ्ता पात्र महिलांच्या खात्यात ट्रान्सफर केला जाणार आहे.

अलीकडेच उपमुख्यमंत्री आणि अर्थमंत्री अजित दादा पवार यांनी 3500 कोटी रुपयांच्या निधीच्या चेकवर स्वाक्षरी केली आहे. हा निधी महिला व बाल विकास विभागाला वाटप करण्यात आला असून, फेब्रुवारी महिन्यातील हफ्त्यात जानेवारी महिन्यात वंचित राहिलेल्या महिलांना देखील लाभ दिला जाणार आहे. ज्या महिलांना जानेवारी महिन्याचा हफ्ता मिळाला नव्हता, त्यांना फेब्रुवारी महिन्याच्या आठव्या हफ्त्यात दोन्ही हप्ते एकत्र दिले जातील.

फेब्रुवारीच्या हफ्त्यासाठी सुमारे 2 कोटी 41 लाख महिला पात्र आहेत. मात्र, सर्व लाभार्थींना एकाचवेळी थेट बँक ट्रान्सफर (DBT) करणे शक्य नसल्याने, महिला व बाल विकास विभागाने आठव्या हफ्त्याचे वितरण तीन टप्प्यात करण्याचा निर्णय घेतला आहे. पहिल्या टप्प्यात 1 कोटीहून अधिक महिलांना 28 फेब्रुवारीपासून हफ्ता दिला जाईल. उर्वरित महिलांना मार्चच्या पहिल्या आठवड्यात दुसऱ्या आणि तिसऱ्या टप्प्यात पैसे मिळतील.

जर तुम्हाला फेब्रुवारी महिन्याचा आठवा हफ्ता कधी मिळणार आहे हे जाणून घ्यायचे असेल, तर हा लेख शेवटपर्यंत वाचा. येथे माझी लाडकी बहिण योजनेच्या आठव्या हफ्त्याबद्दल संपूर्ण माहिती दिली आहे.

माझी लाडकी बहिण योजना आठवा हफ्ता जमा होण्यास सुरुवात!

महिला व बाल विकास मंत्र्यांनी दिलेल्या माहितीनुसार, फेब्रुवारी महिन्याची हफ्त्याची रक्कम 24 फेब्रुवारी 2025 पासून वाटप होणार होती. मात्र, डीबीटी (Direct Benefit Transfer) आणि तांत्रिक अडचणींमुळे लाभार्थींना आठवा हफ्ता वेळेवर मिळू शकला नाही.

यानंतर 26 फेब्रुवारीला महाशिवरात्रीच्या सुट्टीमुळे बँका बंद होत्या, त्यामुळे हफ्ता वितरित करता आला नाही. पण राज्य सरकारने 28 फेब्रुवारीपासून आठवा हफ्ता जमा करण्यास सुरुवात केली आहे आणि लवकरच 24 ते 48 तासांमध्ये सर्व पात्र महिलांच्या खात्यात पैसे जमा होतील.

याशिवाय, जानेवारी महिन्यातील सातव्या हफ्त्याचे पैसे अनेक महिलांना मिळाले नव्हते, अशा महिलांसाठी ही मोठी आनंदाची बातमी आहे! ज्या लाभार्थींना जानेवारी महिन्याचा सातवा हफ्ता मिळाला नाही, त्यांना फेब्रुवारी महिन्यात 3000 रुपये एकत्र मिळणार आहेत.

माझी लाडकी बहिण योजना – पात्रता नियम:

महिला महाराष्ट्राची रहिवासी असावी.
महिलेचे योजनेअंतर्गत अर्ज मंजूर झालेले असावे.
महिलेचे बँक खाते आधारशी लिंक असणे आवश्यक आहे.
 लाभार्थीच्या कुटुंबाकडे चार चाकी वाहन नसावे.
कुटुंबाची वार्षिक उत्पन्न 2.5 लाख रुपयांपेक्षा जास्त नसावी.
 महिला किंवा तिचे कुटुंब आयकरदाता नसावे.
 विवाहित, विधवा, घटस्फोटित, परित्यक्त, निराधार आणि कुटुंबातील एक अविवाहित महिला योजनेसाठी पात्र आहे.
फेब्रुवारी महिन्याच्या हफ्त्यासाठी महिलेचे वय किमान 21 वर्षे आणि कमाल 65 वर्षे असावे.

जर तुम्ही पात्र असाल, तर लवकरच तुमच्या बँक खात्यात आठव्या हफ्त्याची रक्कम जमा होईल!

आज मिळणार फेब्रुवारी महिन्याचा आठवा हफ्ता!

महाशिवरात्रीनंतर फेब्रुवारी महिन्याच्या हफ्त्याचे वितरण राज्य सरकारकडून सुरू करण्यात आले आहे. तांत्रिक अडचणींमुळे डीबीटीमध्ये (Direct Benefit Transfer) अडथळे आले, त्यामुळे अनेक महिलांना फेब्रुवारी महिन्याचा आठवा हफ्ता वेळेवर मिळू शकला नाही. मात्र, आता राज्य सरकारने 28 फेब्रुवारीपासून आठव्या हफ्त्याचे वाटप सुरू केले आहे.

हफ्त्याचे वितरण टप्प्याटप्प्याने होणार आहे. पहिले टप्प्याचे वितरण 28 फेब्रुवारीच्या संध्याकाळपासून सुरू होऊ शकते. अधिकृत घोषणा झाली नसली तरी, मार्चच्या पहिल्या आठवड्याच्या आत सर्व पात्र महिलांच्या खात्यात रक्कम जमा होईल.

पाच लाख महिलांना मिळणार नाही आठवा हफ्ता

महिला व बाल विकास विभागाने जानेवारीच्या सातव्या हफ्त्याच्या वितरणानंतर अर्जदार महिलांची तपासणी केली. आंगणवाडी सेविकांनी दिलेल्या माहितीनुसार, ज्या महिलांच्या कुटुंबाचे उत्पन्न 2.5 लाखांपेक्षा जास्त आहे किंवा चार चाकी वाहन आहे, त्यांनाही योजनेचा लाभ मिळत होता.

या प्रकारामुळे मुख्यमंत्री देवेंद्र फडणवीस यांनी अर्जांची पुन्हा तपासणी करण्याचे निर्देश दिले. तपासणीनंतर अयोग्य अर्जदार महिलांचे अर्ज रद्द करण्यात आले आणि पाच लाख महिलांना आठव्या हफ्त्याचा लाभ मिळणार नाही.

आठव्या हफ्त्यात मिळणार 3000 रुपये

काही महिलांना त्यांचे बँक खाते आधार कार्डशी लिंक नसल्यामुळे किंवा डीबीटी पर्याय नसल्यामुळे जानेवारी महिन्याचा सातवा हफ्ता मिळू शकला नाही.

त्याचप्रमाणे, 2 लाखांहून अधिक महिलांना बँकिंग तांत्रिक अडचणीमुळे सातवा हफ्ता मिळाला नाही. त्यामुळे महिला व बाल विकास मंत्री अदिती सुनील तटकरे यांनी यासंदर्भात मोठी घोषणा केली आहे.

ज्या महिलांना जानेवारीचा सातवा हफ्ता मिळाला नाही, त्यांना आता आठव्या हफ्त्यात दोन महिन्यांचे एकत्र 3000 रुपये मिळतील. यामध्ये जानेवारीचे 1500 आणि फेब्रुवारीचे 1500 असे मिळून 3000 रुपये थेट खात्यात जमा होतील.

लाडकी बहिण योजना आठव्या हफ्त्याची स्टेटस कशी पाहायची?

तुम्ही तुमच्या हफ्त्याची स्थिती खालीलप्रमाणे ऑनलाईन पाहू शकता:

 योजनेच्या अधिकृत वेबसाइटवर जा: https://ladakibahin.maharashtra.gov.in/
 ‘अर्जदार लॉगिन’ वर क्लिक करा.
 तुमचा मोबाइल नंबर आणि पासवर्ड टाकून लॉगिन करा.
 ‘Application made earlier’ वर क्लिक करा.
 तुमच्या अर्जाची स्थिती (Application Status) पाहा.

• जर तुमचा अर्ज ‘APPROVED’ दाखवत असेल, तरच तुम्हाला आठवा हफ्ता मिळेल.
   Actions विभागात रुपये चिन्हावर क्लिक करा.
   ‘Transaction Log’ पेजवर जाऊन आठव्या हफ्त्याची स्थिती तपासा.

लवकरच सर्व पात्र महिलांना त्यांचे 1500 ते 3000 रुपये खात्यात जमा होतील. जर तुम्ही पात्र असाल, तर स्टेटस लगेच तपासा आणि खात्यात पैसे जमा झालेत का हे पाहा!